بعد شهر من البلوڤوسفير اكتشفت برشه حاجات ممكن ما انّجّمش نعمّمها أما في الأغلب نجمو ناخذوها كنموذج مصغّر المجتمعنا
التّونسي ...
نبدا أوّلا بالبنات "ليديز فيرست" (على خاطرني ڤالون)، ما نعرفش علاش يذكّروني في قضيّة الشرق الأوسط... ديما هوما إلّي
يقومو بالعدوان وديما هوما الضّحيّة إلّي تطلب في مزيد من الحقوق وما تقوم بحتّى واجبات(ما عدى الإغراء بالدجين المحزوق والدّيكولتي و الميني ... إلّي ولاّ واجب مقدّس تمارس فيه كلّ أنثى) وتستغل في ضعف
الإمكانيات المادّية متع الرّاجل وتذكرت في بعض البوسطوات (موش سوتيان قورج) أنّو المرى تدفع 50-50 في مصروف الدّار، صحيح كان جات الدّنيا دنيا ما تدفعش حتّى شي كيف ما تحبّش تساهم في تأسيس أسرة مع
راجلها وهذا حقّ من حقوقها حفضهولها الشّرع، آما زادا يلزمها تقنع بلّي كتبو ربّي وتمدّ لحافها على قد سقّيها وما تڤطّعلوش صـ . مو بالطّلبات والشهوات الزّايدة... و زوز ريّاس في فلوكة وحدة مآلها
كان الغرق ونزيدكم زيادة إلّي 50-50 هذي إلّي يتباهاو بيها بعض الأزواج و الزّوجات ما تدلّ كان على انشقاق في عشّ الزّوجيّة متاعكم وعدم ثيقة و تفاهم...
نجيو للعاشقات الحالمات، كيف البرينس شارمون متاعكم ما يخرّجكم تسهرو وما يجيبلكم هديّة كان في مناسبة الثّدي فالونتينو
سيّبوه وشوفو غيرو وكانكم عطشانين وناقصين مرقة و دحنوس رغم الّي قاعد يجرى في الشّارع ... ما قعدّلكم كان التروتوار...
الأغرب زادا إلّي فمّا فولانة* قالت آنا نـ . . ت آما مانيش قـ . بة باهي ياسيدي انت بنت فاميليا ... آما راك تمارس في
القـ . ب، بالفلوس ولاّ بلاش هذيكة حاجة أخرى.
بالنّسبة لرّجال تو مرّة أخرى...
par Fatras
publié dans :
Pensées bêtes
0
recommander
آنا ما عاد يهمني في شي، ولاّ كل شي يقلّقني من غير حتّى شي، في البلاد نقلق، في البحر نقلق، في الطّبيعة نقلق، في
الخدمة نقلق، في الدّار نقلق،حتّى التّلفزة ما عادش نحب نتفرّج عليها، الرّاديو ما عادش نحب نسمعو، الجرايد ما عادش نحب نقراهم و ما عادش باش نقراهم آش لزني نقرا علّي يعملو فيه عباد ما يقلّقهم شي،
كوّارجيّة، مغنيّن، ممثلين زعمة زعمة فنّانين وناس أخرين ما تقلقش من تقليد النّاس هاذي... الناس إلّي ما تعرفش القلق تمشي مئات الكيلومترات باش تعمل غطسة مع الحرّيقة يفرحو كيف يدفعو بأزيد فرنك على
قهوة ولاّ قازوزة ولاّ إلّي هوّ (...) ما جاء شي في بلاصة كانت حلوّة وما تقلّقش قبل ما يجيوها هالنّاس إلّي ما تقلقش...
سينما، تياترو و حفلات... البواتات ،الوتلا،قاعات
الشّاي،الملاهي تعملو للناس إلّي ما تقلقش...سومون فومي و كافيار ونساو تاريخهم مع الدّياري، الجاري والحار...
قدّاش بني وقدّاش فلوس تصرفت على خاطر نزواتهم...
أمّا النّاس إلّي ديما قالقين ما يكلّفو المجتمع حتّى شي على خاطر ما يستحقّوش باش يتعملّلهم حتّى شي لأنّو مهما
تعمللهم موش باش يعجبهم شي سواء في اللاّك في المنار، في المنزه ... تهزهمشي للقمرة ديما باش يقلقو... تكفيهم شويّ ماكلة وشويّة لبسة موش برشة لأنّهم
يقلقو بالمسبّق لمجرّد التفكير في الإختيار...
النّاس إلّي عاملة كنتراتو مع القلق ماهم في حاجة كان
لتركينة يمارسو فيها القلق متاعهم من غير ما يجي يقلّقهم حد...
من غير ما نطوّل على خاطر بديت نقلق، كان جاء العالم الكلّو ناس قالقين تو يتحسّن...
par Fatras
publié dans :
Pensées bêtes
0
recommander
Derniers Commentaires